Ким Кардашијан и Канје Вест се смирија? Папараците ги уловија заедно, а сите се сомневаат дека разводот им бил маркетиншки трик
Ким Кардашијан и Канје Вест беа фотографирани заедно додека одеа во ресторан, по што започнаа гласините дека двојката се смирила.
Раперот и старлетата не се огласуваа по овој повод, а во февруари годинава, потврдија дека се разведуваат. Со месеци се шпекулираше за крајот на нивниот брак, па веста за разводот не беше изненадување.
Дури во јуни Ким Кардашијан одлучи да ја отвори душата и да зборува за разводот од раперот, на што ја убеди нејзината сестра Клои Кардашијан.
Сè всушност започна за време на семејниот одмор на езерото Тахо кога настарата сестра Кортни ја тешеше Ким, која ѝ кажа дека дури и да тргне секој по својот пат, Канје сепак ќе биде добар татко на нивните деца.
„Едноставно не можам повеќе вака. Не знам зошто си дозволувам да бидам на истото место каде што заглавив пред неколку години. Секоја година се сели во друга земја, а јас треба да се обидам да нè држам заедно и да ги чувам децата. Но, признавам, тој е прекрасен татко и направи неверојатна работа“ - откри Ким и додаде:
„Само мислам дека заслужува некој да го поддржува во секој негов чекор и да го следи каде што сака, дури и да е потег. Едноставно не можам. Се чувствувам како промашување. Ова е мој трет брак и се чувствувам како губитник, сакам конечно да бидам среќна.“
Ким и Канје одлучија дека разводот е најдобрата опција за нив, бидејќи, како што тврдат, имало непомирливи разлики меѓу нив.
„Ким им рече на децата дека го сака нивниот татко, но дека тие мора да се разделат. Тие не разбираат целосно што се случува и веќе се навикнати на ситуацијата. Таа се обиде да му даде шанса минатата година. Таа му даде доволно време, но сега е време да продолжат понатаму. Немаше афера. Никој не направи ништо лошо. Се разделија“ - изјави тогаш за странските медиуми извор близок до поранешната двојка, иако во последните денови се пишуваше дека раперот ја изневерил Ким, како и дека тој самиот го признал тоа во една од неговите песни.
Во меѓувреме, почнаа да се случуваат чудни ситуации кои едни поранешни сопружници инаку не ги прават. Ким верно го поддржа Канје на промоцијата на неговиот нов албум „Донда“, таа на сцената се појави во венчаница, додека тој плачеше и ја молеше да се врати кај него. Се шпекулираше дека нивното раскинување е само маркетиншки трик и ние навистина почнуваме да веруваме дека тоа е навистина така.
Неодамнешните папарацо фотографии во познатиот ресторан „Nobu“ на Малибу докажуваат дека се во одлични односи. Ким го привлече вниманието во виолетова комбинација од глава до петици и кафеава, кожена јакна, а дали двојката навистина се смири, останува да видиме.
