Ќе бидат сослушани мајката, сестрата, момчето и јутјуберите: Полицијата и обвинителството работат на расветлување на смртта на Кика Ѓукиќ

Самоубиството на јутјуберката Кристина Кика Ѓукиќ веќе со денови е главна тема како во медиумите, така и во круговите на тинејџерите кои ја сакаа и следеа, но и помеѓу нејзините колеги. Додека се чека токсиколошкиот наод кој би требало да ја потврди точната причина за смртта на оваа 21-годишна девојка, полицијата и обвинителството работат на тоа да откријат што всушност се случило таа кобна ноќ.

Како што дознава „Блиц“, покрај јутјуберот Богдан Илиќ попознат како Бака Прасе, ќе бидат сослушани и многу други кои на полицијата би можеле да ѝ откријат нешто повеќе за Кика Ѓуриќ и нејзината одлука да си го одземе животот.

„На полицијата ѝ е наложено да ги сослуша сите оние кои биле во било каков контакт со неа поради целосно согледување на ситуацијата и носење на одлуката. Освен мајката, сестрата и момчето со кои била навистина блиска, ќе бидат сослушани и нејзините пријатели, но и јутјубери со кои била во контакт. Може да бидат сослушани и лица кои на Кика ѝ испраќале навредливи коментари, но и закани.

Обвинителството за високотехнолошки криминал овие денови ги проверува сите преписки кои Кика ги имала со други лица за би го пронашло евентуалниот мотив. Она што исто така е важно е дека во овој случај може да одговараат и они кои на некој начин ја поттикнале Кика на самоубиство“ - вели изворот на „Блиц“, кој додава дека во расветлувањето на овој случај вклучено како полицијата е и обвинителството, за што побрзо да се дознае што се случило со девојката која со години беше мета на булинг.