Кога родителите не ја поддржуваат твојата одлука за факс или средно: 4 начини како да ги увериш дека твојот избор е подобар

Родителите ти посакуваат само добро, но во некои одлуки, сепак твојот збор треба да биде последен, а една од нив е и изборот на факултет или средно училиште...

Кога вашите родители ви велат едно, а вие сакате нешто друго, искористете ги овие 4 начини да им покажете и да ги убедите дека вашиот избор е вистинскиот и најдобриот.

# Седнете со нив и отворено разговарајте зошто не сакате да се запишете на тој факултет / средно училиште

Понекогаш отворениот разговор е најдобрата опција. Ова не е секогаш лесно да се постигне со родителите, бидејќи има и такви кои се тврдоглави и нема да се откажат од своето мислење, без оглед што ќе им кажете. Нема што да изгубиш ако се обидеш во секој случај. Без никакви нервозни испади и викање, објасни им што е можно посмирено зошто мислиш дека она што го замислиле тие не е најдобро за тебе. Исто така, слушни ги нивните причини. Можеби се навистина во право, но тине сакаш да им го признаеш тоа заради начинот на кој ти ја презентираат својата опција. Обиди се да им нагласиш колку е важно да слушаат што ќе им кажеш.

# Истражи и објасни им зошто твојата одлука е подобра

Подгответе се и информирајте се за да можеш да им ги дадеш најдобрите можни причини зошто треба да се запишеш во одредено средно училиште / факултет. Што можеш да правиш после тоа и каде може да се вработиш? Што има тоа училиште / факултет што те привлекува? Зошто сакаш да се запишеш таму? Одвој неколку часа за да пронајдеш што повеќе информации на Интернет од кои може да имаш корист, бидејќи сигурно ги има. Наместо само да повторуваш „Не го сакам, би го сакал ова“, дај им специфични причини. Покаже им дека знаеш што правите.

# Имај план кој ќе им го претставиш

Без оглед на причината зошто не се согласуваат со твојот избор, состави цел план што ќе им покаже дека не се во право. Без разлика дали тие не сакаат да се запишеш на нешто затоа што е далеку од дома или затоа што тоа е професија со која никогаш нема да се вработиш - направи план. Ако видат дека имаш план, тоа ќе им покаже дека си навистина сериозен, затоа што си размислувал за тоа. Вклучи што е можно повеќе информации во твојот план, како и како тие ќе влијаат на твојата иднина. 

# Искуствата на другите можат да ти помогнат за споредба

Друга добра работа е искуството на другите. Ако имаш некој во твоето семејство или меѓу пријатели што може да се искористи за споредба, искористија ја и оваа опција. Без разлика дали некој се запишал на погрешно средно училиште / факултет што не сакал и сега едвај поминува година / испити или некој запишал каде што сакал и сега е успешен, потсети ги и родителите на тоа. Ако можеш дури и да ја убедиш таа личност да разговара со нив, уште подобро. Не се предавај додека не пробаш сè.