Лекарите мислеа дека е епилепсија, мама знаеше дека грешат: Поради ретка болест живеам како билка, тоа никој не го забележува

Харминдер Самрај (25) од Кент страда од исклучително редок синдром - од својата 12-та година живее како вистинска Заспана Убавица од крв и месо.

Во секој момент, можно е Харминдер едноставно да падне во станот на лице место, и знае да остане во таа состојба со недели. Болеста од која страда се нарекува Синдром на заспана убавица. Како резултат на тоа, нејзиниот пулс и притисок драстично паѓаат, па затоа практично се онесвестува.

Официјалното име на овој синдром е рефлексни аноксични напади (РАС) - Reflex anoxic seizures (RAS). На луѓето им се чини дека Харминдер едноставно дреме, бидејќи ја обзедел замор, сепак, квалитетот на животот со оваа состојба е скоро непостоечки. Бидејќи, иако се чини дека Харминдер мирно спие, во нејзиното тело претходно се случила вистинска бура, како резултат на што се онесвестува.

Харминдер неодамна ја лансираше својата веб-страница, која сака да ги поддржи тинејџерите кои се борат со невидливи болести.

- Имам проблеми со срцето од мојата втора година. Сепак, лекарите ми дијагностицираа официјална болест само кога имав 13 години. Кога бев помлада, имав случајни напади, станував бледа, паѓав и тогаш можев да „спијам“ така со денови, па дури и со недели. Пропуштив добар дел од училиште, лекарите беа убедени дека станува збор за епилепсија, но мајка ми знаеше дека не е - вели таа.

- На крајот, кога детално ме прегледаа, сфатија дека, иако се чини дека спијам, всушност во тоа време срцето ми прескокнува и престанува да работи. Честопати се случува луѓето со ова нарушување едноставно да го „надминуваат“ заболувањето за време на растењето и да се повлече, но јас сум меѓу поретките случаи кога состојбата се влошувала при растењето - вели Харминдер.

Извор/Фото: жена блиц