Најтажната песна што Тито ја забрани затоа што многумина доведе до смрт: Да не беше Јованка, никогаш немаше да ја слушнеме!
Автор на бројни хитови кои и денес се пеат, напиша толку тешка песна што поттикна многумина да се самоубијат?
Песната, која Тито ја забрани по голем број самоубиства, се вика „Плуча су ми болна“ и се смета за една од најтажните песни што некогаш биле напишани на јазици од регионот.
Нејзин автор е Драгиша Недовиќ, кој ја напиша и познатата стара песна „У лијепом старом Вишеграду“, како и многу популарната „Стани, стани Ибар водо“, потоа „Коме шумиш, ој Мораво“, „Негде у даљини поглед ми се губи“, „ На Морави воденица стара “, „ Шумадијо родни крају “, „Игра коло крај Нишаве“, „ Зарудела зора на Морави “, „ Београде, граде на Дунаву“ и многу други . Животот не го штедеше и беше на работ на смртта во 1941 година, кога веќе беше однесен пред стрелачкиот вод во Шумарица во Крагуевац. Во последен момент, како познат текстописец, го имаа оставено настрана и така ја избегна судбината на многу граѓани на Крагуевац. Тој го поздрави крајот на Втората светска војна во германскиот работнички логор во Дормаген.
По враќањето во Крагуевац неколку години по завршувањето на војната, поточно во 1950 година, дознал дека заболел од туберкулоза. Тогаш ја напиша песната „Плуча су ми болна“ чиј текст гласи:
„Pluća su mi bolna, zdravlja više nemam
Jer su sasvim blizu, moji zadnji dani
Živeću još danas, a možda i sutra
A onda zauvek, zbogom moj živote
Nije meni žao, bednoga života
Jer ja sreće nikad, osetio nisam
Samo bol i patnja, gorke suze lio
U životu svome, srećan nisam bio.“
Песната прв ја изведе зиам Имамовиќ, но таа многу сугестивно делуваше на слушателите и во тоа време во Југославија се имаа забележано голем број на самоубиства на луѓе заболени од туберкулоза.
Се зборува дека во тоа време Централниот комитет и Тито решиле да го повлечат записот од продажба и да го забранат неговото изведување, со образложение дека доведувал до самоубиство. Дури 10 години подоцна, во една прилика, Јованка Броз, за која се шпекулираше дека се борела со оваа болест веќе некое време, ја нарача оваа песна на една прослава, забраната беше укината.
За жал, иако текстописецот беше излечен од туберкулоза, тој имал проблеми со срцето. Починал на 49 - годишна возраст во 1966 година како резултат на срцев удар. Зад себе ги оставил синот Александар, ќерката Рада и околу 800 песни.