Наскоро доаѓаат Galaxy A12 и Galaxy A02s – премиум телефони по одлични цени

КомпанијатаSamsung Electronics ги претстави Galaxy A12 и Galaxy A02s – новите паметни телефони за 2021 година.  Двата телефони доаѓаат со исклучително долготрајна батерија, систем со повеќекратни камери и голем дисплеј, придонесувајќи за уште поголема разновидност на А серијата и нудејќи им на корисниците најнови иновации по одлични цени.  

Помоќна батерија за подолго користење на уредот

Galaxy A02s и A12 овозможуваат исклучително искуство при гледање со HD + Infinity-V дисплеј од 6,5-инчи. Покрај тоа, моќната батерија од 5.000mAh овозможува да гледате неколку епизоди од омилената серија без прекини, додека брзиот полнач од 15W гарантира полнење на батеријата во најкус можен рок.

Моќни камери за снимање на омилени моменти

Овие уреди доаѓаат со моќни камери што го прават фотографирањето и снимањето полесно од кога било досега. Galaxy A02s има главна камера од 13MP, додека онаа на A12 моделот има 48MP, како и ултра-широка камера од 5MP. Телефоните имаат и сензор за длабочина од 2MP, одличен за фокусирање на деталите, како и макро сензор со иста резолуција, што дополнително ја збогатува секоја снимка.

Дизајн кој се истакнува

Двата модели доаѓаат со елегантно дизајнирано куќиште, пријатно за држење во рака, со мат финиш на задниот дел од телефонот. Galaxy A12 и A02s ќе бидат достапни во бела и црна боја, додека A12 има и сина верзија, како и поддршка на безбедносната платформа Samsung Knox, со читач на отпечатоци на страна. 

* Пр објава