Наследници на круната: По Чарлс на тронот доаѓа ТОЈ, а промената на правилото му даде шанса на уште еден член на семејството

Потеклото на кралицата Елизабета е веќе познато, по принцот Чарлс, круната ќе ја наследи неговиот син Вилијам.

Британската кралица Елизабета Втора дојде на кралскиот трон во 1952 година и со тоа стана шестата жена што дојде на тоа место. Титулата кралица ја добила по смртта на нејзиниот татко Џорџ Шести, кој исто така бил крал.

Имајќи предвид дека кралските должности ги извршувала цели 70 години, ја добила и титулата најдолго владеење на монарх во британската историја. Пред неа таа титула ја имаше нејзината прабаба Викторија, која владееше нешто повеќе од 63 години.

Интересно е и тоа што кралицата Елизабета се омажи за нејзиниот трет братучед, принцот Филип, војводата од Единбург.

Принцот Филип почина минатата година, на 99-годишна возраст. Смртта на кралицата Елизабета ја потресе јавноста ширум светот, а за неа не престанува да се зборува. Нејзината круна ја наследи нејзиниот син, принцот Чарлс, на 74-годишна возраст, со што стана монарх  кој чекал најдолго за да дојде на тронот.

Принцот Чарлс е директен наследник на неговата мајка од неговата тригодишна возраст. Тој е покровител на бројни добротворни организации, високо образован е и е првиот кралски наследник кој се стекнал со универзитетска диплома. Но, го следеле разни афери, поради љубовниот живот.

Чарлс имаше два сина со принцезата Дијана, постариот Вилијам и помладиот Хари. Во 2005 година се ожени со Камила, војвотката од Корнвол.

По кралот Чарлс III, прв во редот за наследување на тронот е неговиот постар син, принцот Вилијам.

Принцот Вилијам има многу богата и пофална биографија. Покрај тоа што е член на кралското семејство, тој важи и за најобразованиот член на истото. Тој е магистер по уметност, а исто така служел во армијата од 2006 до 2013 година, учествувајќи во повеќе од 150 операции за пребарување и спасување со хеликоптери.

Во 2011 година, принцот Вилијам се ожени со војвотката од Кембриџ, Кејт Мидлтон, која стана најпопуларна личност во кралското семејство по кралицата Елизабета.

По венчавката, парот доби три деца, принцот Џорџ (9), принцезата Шарлот (7) и принцот Луис (4).

По принцот Вилијам, него ќе го наследи неговиот син Џорџ. Со неговото раѓање во редот на наследството, тој го „потисна“ помладиот брат на принцот Вилијам, Хари, кој стана трет во редот за наследување на тронот.

Доколку стане крал, по неговиот татко Вилијам, Џорџ ќе биде 43-тиот монарх од Вилијам Освојувачот.

Принцезата Шарлот е четврта во редот за тронот, како второ дете на принцот Вилијам. Бидејќи во 2011 година британската монархија го укина правилото кое им даваше предност на машките наследници пред нивните сестри во редот на наследството, принцезата имаше многу среќа.

Принцот Луис е петти по ред за тронот, бидејќи е најмладиот син на принцот Вилијам.

Принцот Хари се ожени со американската актерка Меган Маркл на 19 мај 2018 година во замокот Виндзор.

Во јануари 2020 година, кралската двојка соопшти дека ќе се повлече од функцијата „постари“ членови на кралското семејство и дека имаат намера „да работат на тоа да станат финансиски независни“.

Нешто повеќе од една година подоцна, Бакингемската палата потврди дека двојката нема да се врати на кралските должности и дека ќе се откаже од почесните воени назначувања и кралското покровителство.

Фото: Youtube - screenshoot