Наставниците во училиште во Шпанија доаѓаат во здолништа: Причината е навистина посебна

Наставниците во училиште во Шпанија доаѓаат во здолништа: Причината е навистина посебна

Објавена во: Совети // School zone

Наставниците во улилиштето„Virgen de Sacedon“ во Валадолид, Шпанија, Мануел Ортега и Борја Велазкез на почетокот на мај одлучија на часовите да одат во здолништа.

Причината за тоа е неодамнешното малтретирање на еден ученик поради неговата маица, која имала мотиви на јапонските аниме карикатури. Момчето било жртва на хомофобични навреди, а на крајот морало да го соблече тоа парче облека за да се престане со малтретирањето, пишува Bored Panda.


Ортега и Велазкез се дел од движењето „Clothes Have No Gender“ (во превод: „облеката нема пол“), кое својот врв го достигна кон крајот на минатата година, но неодамна повторно започна да го привлекува вниманието. Идејата која стои зад ова движење е да се промовира толеранцијата, почитта и разновидноста.

Наставниците сакале да им укажат на децата дека зборовите болат и дека е време за промена, посочија за „El Pais“, најчитаниот шански онлјан весник. Помеѓу останатото, тие учат дека е во ред момчињата да готват, а девојчињата да покажуваат интерес за фудбал.

Минатата година еден средношколец во Билбао беше избркан од час, затоа што носел здолниште, а тоа резултираше со тоа што многу професори и учениците подоцна носеа спорни парчиња облека во училиштето во знак на протест.


Објавена во: Совети // School zone

Можеби ќе ве интересира: