Нетфликс најави дека ова лето излегува нов сладок филм: Замисли да можеш да ги видиш последиците од своите одлуки (ВИДЕО)

Засега филмот делува дека ќе биде многу добар!

Кога би можела да видиш како ќе ти изгледа животот ако донесеш некоја одлука, а како ако донесеш друга, дали тоа би ти го олеснило изборот? Накратко, токму тоа е сценариото на новиот филм на Нетфликс, која само што не пристигнал.

Секогаш сме расположени за слатки и романтични филмови, идеални за опуштање и за поминување на летните ноќи пред телевизор. Наскоро ни пристигнува еден кој задолжително треба да го ставите на листата филмови кои мора да ги погледнете ова лето. Во главна улога е добро познатото лице од „Riverdale“, Лили Рајнхарт, што е секако плус. Филмот се вика „Look Both Ways“ и се знае по нешто за тоа како ќе изгледа сценариото. Засега, звучи навистина супер, особено ако си некој кој сака слатки и женски филмови.

Главниот лик, кој го глуми Лили, може да види како ќе ѝ изгледа животот зависно од тоа која одлука ќе ја донесе и кој животен пат ќе го одбере. Едниот пат е да остане бремена и како млада девојка да се снаоѓа во мајчинството во својот роден град или може да се посвети на кариерата од соништата и да биде деловна жена во Лос Анџелес.

Што ќе одбере? Двата избори имаат свои предности и недостатоци и во потполност се различни. Иако тоа се двете работи кои ги сака, во ниту една опција ги нема двете. Филмот изгледа малку поинаку од стандардните романтични комедии кои ги гледаме, што е голем плус, бидејќи сигурно е тешко да се дојде до некоја нова идеја во овој филмски жанр, а тоа да изгледа добро. Според реакциите на луѓето на трејлерот, изгледа дека успеале во тоа. Трејлерот е полн со позитивни реакции. Добрата вест е дека филмот пристигнува ова лето, а лошата вест е дека ќе мора да чекаме до 17 август.

фото: Принтскрин / Јутјуб