Нина Добрев призна дека раскинала со своето момче поради улогата во „Вампирски дневници“

Додека разговараше за процесот на аудиција за тинејџерската драма The Vampire Diaries, актерката Нина Добрев откри дека се забавувала со актерот кој беше еден од опциите за улогата на Дејмон Салваторе, еден од љубовните интереси на Елена во серијата.

„Сакаа да го изберат, но на крајот не го избраа“, се сеќава таа, без да го открие името на актерот. „Сепак, јас ја добив улогата, а потоа ми стана незгодно за него. Врската не траеше долго“, рече Нина додавајќи: „Раскинавме“. 

Како што добро знаат обожавателите на серијата, улогата на Дејмон на крајот му припадна на Иан Сомерхалдер, со кого Нина се забавуваше помеѓу 2010 и 2013 година. Тие останаа пријатели и покрај нивното раскинување.

Кевин Вилијамсон и Џули Плек секако беа вредни во пронаоѓањето на вистинското трио кое ќе го игра легендарниот љубовен триаголник, во кој е вклучен и Пол Весли како Стефан. 

извор: Famoza.net