Омилени двојки од популарните серии чии врски се екстра токсични: Тие не би требало да му бидат пример на никој
Листа од најотровните двојки во историјата на ТВ сериите...
Некои двојки во нашите серии се сметаат дури и за култно олицетворение на љубовта, но по малку подлабока анализа сфаќаме колку нивните врски се токсични.
Многу од тие двојки всушност еден за друг се вистински ужас. Некои луѓе во тие врски од малите екрани би можеле да се окарактеризираат како вистински насилници. Но, без разлика што покажаа толку нездрави љубовни врски, публиката сепак воодушевено реагираше на нив и навиваше да бидат заедно.
Ајде да ги погледнеме нашите омилени токсични двојки од ТВ сериите:
# Рос и Рејчел од „Friends“
Еве една иконска двојка со ужасна врска. И двајцата се всушност љубоморни и толку се заглавени во минатото што не ни дадоа шанса за нови можности. Имено, секогаш кога се разделувале и раскинувале, не дозволувале другата страна да продолжи со животот и среќата да ја најде на друго место. Толку многу раскинувања и смирувања, дефинитивно не е знак за здрава врска.
# Кери и Ѕверката од „Sex and the City“
Колку малку самопочит може да има Кери. Ѕверката постојано ја лажеше, ѝ откажуваше состаноци и состаноци, ја лажеше на разни начини, а таа сепак постојано му се враќаше. Всушност, таа му се врати и откако тој ја остави пред олтарот.
# Арија и Езра од „Pretty Little Liars“
Кога првпат почнале да излегуваат, Арија беше само тинејџерка и студентка, а Езра учител. За вакви работи, Езра би бил отпуштен и со право би бил осуден од оние околу него. Да не заборавиме како Езра ја следел Арија за да добие информации за неговата книга.
# Чак и Блер од „Gossip Girl“
Толку токсична двојка од серија, која луѓето секако ја сакаат. Во основа, нивната врска е токсична и манипулативна со многу меѓусебна злоупотреба. Се сеќавате ли како Чак спиеше со непријателката на Блер само за да ѝ се одмазди и како направи договор да ја замени љубовта на својот живот за хотел? Ниту Блер не беше невина, и таа користеше други момци само за да го натера Чак да биде љубоморен. Болно!
# Рори и Дин од „Gilmore Girls“
Дин на прв поглед беше совршено момче. Но, не и на втор. Всушност, тој беше љубоморен и посесивен, до тој степен што би пукнал од бес, доколку Рори има интеракција со некој од спротивниот пол. Да не заборавиме како дури двапати ѝ раскина во јавност.
# Ал и Пеги Банди од „Married... with Children“
Серијата, која беше тотален хит во 80-тите и 90-тите години на минатиот век, прикажува средовечна брачна двојка. Тој е продавач на чевли, а таа домаќинка. Таа се потсмева со неговата професија и плата, тој ја исмева за нејзината невработеност. Па човек се прашува, зошто овие двајца сè уште живеат заедно? Но, ако на некој од нив му се даде шанса да замине на патување надвор од бракот, настанува посесивност и љубомора. Овој брак прикажува врска помеѓу две лица која е некаде на границата помеѓу љубовта и омразата.
# Џон Сноу и Денерис Таргариен од „Game of Thrones“
Млади, згодни и моќни: врската помеѓу Мајката на змејовите и Кралот на северот би изгледла како идеална, само ако Денирис не му беше тетка на Џон, што ја прави целата ситуација малку извртена и инцестуозна. Во борбата за престолонаследник, Џон јасно дава до знаење дека не се грижи за тронот, но кога Денирис сфаќа дека граѓаните на Вестерос го претпочитаат него пред неа, таа станува љубоморна.
# Нејт и Меди од „Euphoria“
Омилената двојка всушност прикажува два многу проблематични ликови кои своето лошо однесување во врската го маскираат во љубов. Нејт ѝ покажува на Меди како да се облекува и како да се однесува. Кога таа ќе одбие, тој станува агресивен. Да не заборавиме дека ниту на Меди не ѝ се непознати емотивната манипулација и уцени. Сè на сè - многу нездраво!