Оригинално: Наставничка со совршен одговор за прашањето од каде доаѓаат бебињата

Откако се вратила на работа од породилно, наставничката Ненси Булард решила искрено да им одговори на сите прашања кои ги интересираат на нејзините ученици. Таа им рекла дека родила машко дете и им дала можност да ѝ поставуваат прашања.

Учителката направила презентација со фотографии од нејзиниот син Сем, а учениците ја прашале дали спие сам, дали веќе учи да оди, што јаде и слично. Наставничката мирно одговорила на сите прашања, а потоа едно дете ја прашало дали е тешко да се роди бебе. Ненси признала дека е.

„Од каде доаѓаат бебињата?“ ја прашал друг ученик.

„Тие доаѓаат од органот наречен матка“, одговорила Ненси, воодушевувајќи многумина кои не се сигурни како да одговорат на ова детско прашање.

Експертите се согласуваат дека одговорот на наставничката е одличен бидејќи е едноставен, точен и дава доволно детали за да ја задоволи љубопитноста на децата.

Фото и Видео: ТикТок