Останува блиску до децата: Канје Вест купи куќа спроти поранешната жена Ким Кардашијан

Раперот Канје Вест, неодамна купи куќа која се наоѓа спроти куќата на неговата поранешна сопруга Ким Кардашијан, каде таа живее со нивните четири деца, Норт, Сент, Чикаго и Псалм. Извор за „E! News“ наведува дека раперот планира да ја сруши сега резиденција и повторно да ја изгради.

„Беше сосема логично дека ќе најде место во близина на децата“ - споделува изворот. Според него, имотот во Калабасас се наоѓа на земјиште под еден хектар кој е „совршен да се развие во она што тој го сонува“. Се наведува дека ќе биде потребно време да добие дозвола, како и дека нема да може да живее таму некое време. Но, тој е возбдуден поради тоа, како и децата.

Дознаваме и дека раперот времето го поминува со манекенката Винетриа во својот нов дом. Канје го сака нејзиното друштво и продолжува да ја носи на собиранките со неговите пријатели, а покрај тоа, престојувала во неговата куќа неколку пати во последниот еден месец. Што се однесува до Ким, која се забавува со Пит Дејвидсон, сега е потполна сопственичка на вилата „Hidden Hills“ во која и живее, а која таа и раперот ја купија во 2014 година.