Откриена е тајаната на песната „Не ломите ми багрење“: Најтрогателните стихови на Балашевиќ се инспирирани од приказните на Србите од Косово

Во морето песни на легендарниот Ѓорѓе Балашевиќ, сигурно не би можеле да издвоите „само еден фаворит“. Секоја ви доприра до срцето, како песната за „Васа Ладачки“ што Нови Сад ја испеа на солзи вечерта кога почина познатиот текстописец.

Сепак, многумина би рекле дека песната „Не ломите ми багрење“ е песна што ги допира срцето и душата - по смртта на Ѓорѓе Балашевиќ, неговиот долгогодишен пријател и соработник Вук Жугиќ, директор на културната програма на Центарот „Сава“ , откри како настанала.

„Ѓорѓе Балашевиќ беше кај нас и договоривме новогодишен концерт. Секторот за култура е над големата сала и е поврзан со кабина од каде што го следевме концертот, и кога тој дојде да го потпише договорот, слушнавме дека доаѓа воз со наши луѓе од Косово, кои бараа да ги прими некој од владејачкото раководство заради сè што им се случуваше.

Додека разговаравме, некој рече дека треба да се обезбеди просторот за прием, а тоа беше големата сала на Центарот Сава. Ние не знаевме, гледаме сала полна со наши луѓе од Косово и Ѓоле вели: 'Ајде да видиме'“ - рече Жугиќ во специјалното шоу посветено на Балашевиќ и продолжи:

„Таму е таа кабина, гледаме надолу, го гледаме тогашното раководство на државата на маса, а салата беше полна со наши луѓе. Излегоа еден по еден и раскажуваа навистина страшни приказни. Балашевиќ ги слушаше 4 часа. Подоцна се збогувавме и тој ми се јави по неколку дена и ми рече: 'Напишав една специјална песна.' Тоа беше песната „Не ломите ми багрење.“

Слушнете ја песната:

фото: принтскрин од Јутјуб