Откриваме: Маркус и Мартинус новиот сингл ќе го објават на 2 октомври, а еве како ќе се вика

Ова ќе биде нивниот прв сингл од јуни 2019 година...

Маркус и Мартинус новиот сингл ќе го објават на 2 октомври, а песната носи назив „Love You Less“.

Ова го потврдија и самите момци, во текот на Инстаграм лајв, кој за нивните 1,4 милиони обожаватели го организираа во петокот вечер.

„Многу луѓе мислеа дека песната ќе се вика „Lie to you“, но тоа не е називот“ - кажа момците и потоа го открија вистинското име.

„Песната се вика „Love You Less“, многу е чудно што ја изговараме, добро се чувствуваме, за малку ќе почневме да ја пееме, а не смееме“ - кажаа и додадоа дека песната не е тажна.

„Многу ни недостасувате“ - објавија. „Требаше да објавиме нова музика во мај, но поради короната се беше одложено, па не можевме да одиме во студио“ - им објаснија на обожавателите и потоа додадоа дека песната излегува на 2 октомври.

Ова ќе биде нивниот прв сингл уште од јуни 2019 година, кога го објавија „Pocket Dial“.