Падна Инстаграм: Корисниците не може да споделуваат фотографии

Проблемот се појави на повеќе локации во светот...

Инстаграм не функционира како што треба на неколку локации низ светот во последните неколку часа. Корисниците се жалат дека не можат да испраќаат фотографии и да ја користат апликацијата.

Повеќето коментари наведуваат дека „news feed“-от не може да се освежи и дека коментарите на објавите не можат да се објавуваат. Некои корисници исто така наведуваат дека воопшто не можат да се најават во апликацијата.

Проблемот е присутен низ целиот свет од утрово, според сајтот „Down Detector“, кој ја следи работата на најголемите платформи на Интернет, но „експлодираше“ некаде попладне.