Петардите се голем стрес за кучињата: Заштите ги вашите миленци од празничното пукање

Бучавата воопшто не е забавна...

Сезоната на празниците е многу стресна и за домашните миленици и за нивните сопственици. Бидејќи кучињата го доживуваат светот со сетилата за мирис и слух, секоја петарда и звук на огнометот предизвикува голем страв кај кучињата. Иако сме само во првата третина од декември, бучавата произведена од пиротехниката веќе може да се слушне во некои населени места, а поради тоа

Прашање е на кого експлозиите му се воопшто забавни и дали вреди неколку секунди забава да ги загрозат животите на животните и природата воопшто.

Некои кучиња не се плашат од огномет и петарди, на пример оние кои одат на лов. Тие веќе се навикнати на звукот и мирисот на пушки и барут. Сепак, повеќето кучиња реагираат бегајќи или криејќи се. Тие имаат неверојатен слух и затоа ги доживуваат гласните звуци многу поинтензивно од нас луѓето. Искуството со огномет и петарди ќе биде постресно отколку грмотевицата за вашето домашно милениче, бидејќи огнометот е поблизу до земјата и е придружен со ненадеен блесок и мирис на барут. 

Како да им помогнеме?

Факт е дека не постои универзален совет за решавање на стравовите од петардите. Сепак, ви даваме неколку предлози како да го олесните овој стресен период за вашите миленици.

# Дозволете му на кучето да остане во ваша близина, затоа што вашата близина на каучот или креветот ќе го смири.

# Дозволете им на кучињата кои вообичаено живеат надвор да останат во затворено.

# Спуштете ги ролетните и ставете ги завесите, вклучете го телевизорот или пуштете смирувачка музика.

# Избегнувајте вечерни прошетки, бидејќи колку е поблиску крајот на денот, толку почесто и поинтензивно се пукаат петарди. Направете една дневна подолга прошетка и два кратки наутро и навечер.

# Кога ќе го изнесете вашето куче надвор, не дозволувајте да оди без поводник. Кучето во паника не е во можност да слуша и веројатно нема да може да реагира на вашите команди.

# Префрлете ги оброците порано во текот на денот - на пример, вечерниот оброк можете да го префрлите за попладне. Ако не сакаат да јадат, можно е да се работи за стрес и страв.

# Не им давајте самостојно лекови за смирување на кучиња, туку консултирајте се со ветеринар.

# Во никој случај и никогаш не го казнувајте кучето. Секое куче се разликува во реакциите кога пукаат петарди. Некои се тивки и исплашени, а некои лаат во паника и не се однесуваат нормално. Важно е да не викате и да не ги плашите, туку обидете се да ги смирите со играчки или омилени задоволства за кучиња.

# Не гушкајте го и не галете го кучето кое се плаши или се обидува да побегне, бидејќи на тој начин испраќате порака дека го одобрувате ваквото однесување.