По примерот на познатата мајка: Ќерката на Мадона објави контроверзен спот (ВИДЕО)

Новиот спот на пејачката во подем предизвика лавина коментари...

Лурдес Леон, ќерката на познатата пејачка Мадона, објави нов видео запис под назив „Cuntradiction“.

25-годишната девојка, храбро оди по стапките на познатата мајка. Исто како што Мадона со своите музички спотови и модни избори знаеше да го шокира светот, така и Лурдес предизвика многу коментари на социјалните мрежи со спотот, во кој јава коњ во долна облека и се лежи на маса полна со храна.

И додека едни во коментари ги фалеа нејзините вокални способности, имаше и други кои ја обвинија дека кариерата ја гради на голотија, а не на талент.

Ќерката на поп ѕвездата израсна под светлата на рефлекторите и во придружба на папараците, кои беа немилосрдни и честопати ѝ се обраќаа со секакви погрдни имиња. Денес, многумина ѝ се восхитуваат поради нејзината храброст. Имено, со бунтовниот стил и однесување, успешно го буди вниманието и реакцијата на околината.

Во неодамнешното интервју за магазинот „Вог“, Лурдес кажа дека напорно работи за да се запише на факултет.

„Луѓето мислат дека сум неталентирано богато дете на кое му е дадено сѐ, но не сум“ - кажа тогаш, со цел да ја отфрли илузијата дека е богата разгалена наследничка, на која сѐ ѝ е сервирано на тацна.

Освен со музиката, таа се занимава и со глума, моден дизајн и манекенство. Беше заштитно лице на колекцијата на дизајнерот Марк Џејкобс за пролет 2021 година. да не заборавиме дека во 2019 година дебатираше во видеото за колекцијата за „Miu Miu“ и оттогаш се појави и во голем број други кампањи.

фото: Принтскрин / Јутјуб