Почина на 39 години: Како зборуваше Сара Хардинг за борбата со болеста?

Потресните вести ги објави нејзината мајка Мери на Инстаграм...

Пејачката Сара Хардинг која беше член на некогаш популарниот женски бенд „The Girls Aloud“, почина вчера на 39-годишна возраст по изгубената битка со ракот на дојка.

Таа минатата година на Истаграм откри дека докторите и дијагностицирале рак на дојка.

„Се надевам дека сте сите добро и дека се чувате во овие несигурни времиња. Долго не објавував ништо на Инстаграм и ви благодарам на сите кои се загриживте дали сум добро, тоа многу ми значи. Имам чувство дека сега е време да споделам со вас што се случува“ - ја започна тогаш својата исповед, а потоа продолжи:

„Не посоти едноставен начин да го кажам ова и не се чувствувам добро што воопшто го пишувам, но вака стојат работите. На почетокот на оваа година ми дијагностицираа рак на дојка. Добив и лоши вести, дека е малигните клетки се прошириле на другите делови од телото. Моментално сум на хемотерапија и се борам со оваа болест колку што можам“.

Сара тогаш истакна дека мајка ѝ и пријателите ѝ се голема поддршка и дека ѝ помагаат да биде што похрабра и да помине низ лекување. Тогаш исто така посочи и дека се труди да остане позитивна, но жал не успеа да ја добие оваа битка.