Правила кои ќе ви го сочуваат животот: Што треба да направите кога има земјотрес?

Еве каде е најбезбедно...

Силен земјотрес во во 4 часот и 54 минути, беше почувствуван на цела територија на Македонија, а во продолжение ви посочуваме на некои правила кои треба да ги почитувате за време на овие природни катастрофи.

# Најдете засолниште на безбедни места во куќата, како што се: секој столб на вратите, носечките ѕидови, место под масата, цврст мебел и останете таму додека земјотресот трае или покријте го лицето и главата со рацете и засолнете се на аголот од внатрешните ѕидови на собата.

# Бидете подалеку од стакло, прозорци, надворешни ѕидови и врати и се што може да падне, како што се лустери и полици. 

# Доколку сте во кревет, слезете покрај креветот и заштитете ја главата.

# Останете во дома додека земјотресот не престане и безбедно излезете. (Истражувањата покажуваат дека повеќето повреди се јавуваат кога луѓето се обидуваат да излезат од зграда за време на земјотрес.) Од зградата на приземјето или од првиот кат можете да излезете на отворено, но внимавајте да бидете да безбедно растојание од зградите.

# Сè додека трае земјотресот, избегнувајте скали и лифтови, не користете лифт, не излегувајте на тераса или балкон, не чувајте полици над креветот.

# Ако сте близу или внатре во висока зграда, држете се подалеку од стаклени и надворешни sидови.

# Ако сте во јавна зграда (училиште, компанија, трговски центар, центар за рекреација или продавници) - бидете смирени и избегнувајте паника. Држете се подалеку од толпата луѓе кои панично се движат кон излезите.

# Бидете свесни дека може да се појави прекин на електричната енергија и дека може да се вклучат аларми (пожар и други), секогаш подгответе фенерче и привремен приемник со резервни батерии.

# Веднаш исклучете ги сите извори на електрична енергија, гас и вода. Ако сте користеле каков било извор на топлина, исклучете го кога ќе се смири земјотресот.

# Ако се појави пожар, обидете се да го изгаснете и да ја известите локалната единица за пожар и спасување.

# Доколку е потребно и доколку сте во можност, придружете им се на спасувачките екипи од урнатините и вклучете се во потрагата и помошта на жртвите под урнатините на уништените згради.

Ако сте на отворено:

# Бегајте од уличното осветлување, електричните кабли и зградите, a најголемата опасност е во близина на зградите, на излезите и покрај надворешните sидови.

# Ако сте на улица, погрижете се за предмети што може да паднат врз вас, како што се оџаци, кровни плочки, скршено стакло на прозорец и др. Запрете ако дозволи безбедноста во сообраќајот.

Ако сте во автомобил 

# Избегнувајте запирање во близина на згради, дрвја, надвозници или електрични кабли.

# Продолжете со претпазливост кога земјотресот ќе престане. Избегнувајте патишта, мостови или рампи што можат да бидат оштетени во земјотрес.

Ако сте под урнатини

# Не мрдајte.

# Покријте ја устата со марама или крпа.

# Удрирајте во цевка или ѕид за спасувачките екипи да ве најдат. Ако имате свирче, искористете го. Викајте само ако тоа е последната опција. Викањето може да предизвика вдишување на опасно големи количини прашина.