Први фотки на Ријана по породувањето: Еве каде се наоѓа славната пејачка откако пред неколку дена роди син
Се појавија првите фотографии од Ријана по породувањето. Светската музичка ѕвезда на 13 мај роди момче, а сега е фотографирана во Западен Холивуд, во сосема лежерно издание, „зачинето“ со високи потпетици.
Oд Папарацо фотографиите ја гледаме Ријана како се шета во придружба на телохранител, а може да се забележи и дека пејачката по породувањето се врати на стариот стил, чиј заштитен знак беше предимензионираната облека.
Кога станува збор за Ријана, ништо не е препуштено на случајноста, па ни нејзиниот стил, иако сме сигурни дека овој пат стајлингот и го диктираше фактот што стана мајка пред само една недела. Штиклите се таму за да не потсетат дека славната Рири е иста зад сцената. И сосема е јасно дека оригиналните модни изданија допрва доаѓаат од неа.
Ријана и бебето се во домот на пејачката во Лос Анџелес, пишува „Пипл“.
„Ријана е добро, таа и Роки се толку возбудени што станаа родители и таа веќе е прекрасна мајка“, рекол изворот.
Пејачката и нејзиниот партнер со денови ја чуваа во тајност веста за раѓањето на синот, а потоа „TMZ“ објави дека славната двојка го добила своето прво заедничко дете.