Самохран татко посвои девојче со Даунов синдром: Беше отфрлено од 20 семејства

Алба имаше само неколку дена кога беше дадена на посвојување од нејзините родители затоа што има Даунов синдром. За жал, 20 други семејства отстапија од нејзино посвојување до нејзината старост од само 13 дена. Но, нејзината приказна доби среќен крај кога самохран татко одлучи да го посвои симпатичното неколку-неделно новороденче.

Приказната на Лука Трапанес стана вирална со објавувањето на книга што ја напиша за неговиот живот со Алба, приказна за која вели дека „уништува многу стереотипи за татковството, религијата и семејството“. Законите за посвојување во Италија се прилично строги и ретко се одобруваат самохрани родители, но состојбата на Алба дозволува измена на нормалните регулативи. 
Лука рече дека ниту во еден момент не се премислил за одлуката, возејќи кон болницата да ја пополни документацијата кога му било одобрено.

Лука порано волонтирал и работел со деца со посебни потреби, па се чувствува подготвено да израсне дете со Даунов синдром. Не можеше да дочека да стане нејзин татко.

„Кога ја држев во рацете, бев исполнет со радост“, изјави тој за Би-Би-Си. „Чувствував дека таа е мојата ќерка, веднаш. Знаев дека сум подготвен да бидам нејзиниот татко “.

Лука рече дека Алба, која сега има една ипол годинка, сака да игра и да запознава нови луѓе. „Ќе го поминам остатокот од животот со девојка што ја сакам“, вели Лука, „и заедно ќе направиме многу прекрасни работи“.