Samsung ја најавува новата и подобрена фитнес нараквица Samsung Galaxy Fit3

Samsung Electronicsја најави новата фитнес нараквица Galaxy Fit3[1] со напредната технологија на Samsung за следење на здравјето, инспирирајќи ги сите да се чувствуваат најздраво и да прифатат поздрав начин на живот. Galaxy Fit3 е најновиот носив уред на Samsung, направен од алуминиум со ново куќиште со поширок екран што им овозможува на корисниците да ги следат податоците за нивното здравје и благосостојба - од секојдневни тренинзи до мирен сон - директно од нивните зглобови, деноноќно.

„Во оваа нова ера на велнес, луѓето сакаат посеопфатно да го разберат нивното здравје, поради што Samsung се обврза да им обезбеди напредни алатки за следење на здравјето и да им помогне на нивното велнес патување“, рече Павле Зобунџија, раководител на одделот за телекомуникации во Samsung Electronics за јадранскиот регион. „Како наш најнов фитнес тракер, Galaxy Fit3 ја нагласува нашата посветеност да обезбедиме лесно достапни ресурси кои поттикнуваат секојдневна благосостојба и ги инспирираат сите да работат на својата најдобра слика за себе“.

Издржлив и компактен тракер со поголем, стилски екран

Galaxy Fit3 има алуминиумско куќиште и екран од 1,6 инчи, кој е 45% поширок од претходниот модел[2] и кој им олеснува на корисниците да добијат клучни информации на прв поглед. Тој е, исто така, лесен, елегантен и удобен што го прави идеален за секојдневна употреба. Корисниците можат лесно да ја вметнат Galaxy Fit3 во нивниот животен стил благодарение на нејзината долготрајна батерија, која може да трае до 13 дена[3]. Тие можат да го персонализираат својот тракер и да го направат поелегантен со избирање на нивниот омилен бројач од преку 100 однапред поставени предлози со информации[4] или со поставување на сопствени фотографии како позадина. Корисниците, исто така, можат без напор да ги менуваат и комбинираат ремчињата на нараквиците[5] за да ги задоволат своите модни и дневни рутини со притискање на едно копче.

Деноноќно одржување на пулсот со помош на здравствена метрика[6]

Samsung секогаш дава приоритет на спиењето за подобра благосостојба, давајќи им можност на корисниците да ги разберат нивните шеми на спиење и да градат поздрави навики со напредни алатки за следење на спиењето[7]. Оваа посветеност се рефлектира во Galaxy Fit3. Корисниците можат удобно да ја носат својата нараквица Galaxy Fit3 во текот на ноќта додека таа ги следи нивните шеми на спиење, дури и го открива 'рчењето[8] и следи нивото на кислород[9] во крвта за да обезбеди подобар увид во нивната општа состојба. Врз основа на индивидуалните шеми на спиење, Galaxy Fit3 им обезбедува на корисниците Sleep coaching[10] т.е.  персонализирана функција за спиење, со значајни сознанија кои им помагаат поинтуитивно да го разберат својот сон, а со тоа ги наведува да направат позитивни промени.

Во текот на денот, Galaxy Fit3 им овозможува на корисниците да ги следат своите секојдневни активности. Корисниците имаат пристап до над 100 видови на тренинзи во секое време, на кое било место и можат лесно да ги прегледуваат своите записи за вежбање, охрабрувајќи ги да останат мотивирани и да ги постигнат своите цели[11]. Galaxy Fit3 има 5ATM рејтинг и отпорност на вода и прашина во согласност со стандардот IP68[12], а тоа значи дека корисниците можат да уживаат во активности на отворено во различни средини. Galaxy Fit3 им овозможува на корисниците подетално да го разберат своето целокупно здравје, со обезбедување на здравствени метрики[13], кои вклучуваат пулс и ниво на стрес.

Бидете безбедни[14] и поврзани во екосистемот на Galaxy

За да бидат корисниците уште побезбедни, Galaxy Fit3 има нови безбедносни карактеристики како што се Fall Detection за откривање пад и Emergency SOS за итни повици за помош. Кога ќе се открие неочекуван пад, Galaxy Fit3 им дава на корисниците можност веднаш да ја повикаат соодветната услуга за навремена итна помош. Кога корисниците ќе се најдат во вонредна ситуација, веднаш можат да испратат SOS сигнал со пет притискања на страничното копче.

Корисниците на Galaxy Fit3 можат да пристапат и до целосен опсег на функционалности во поврзаниот екосистем на Samsung Galaxy за подобрено искуство со носивите уреди. Тие можат да го користат Galaxy Fit3 како контрола директно од нивниот зглоб, не само како далечински управувач за камера на паметен телефон кога фотографираат и поставуваат аларми со функцијата Camera Remote[15], туку и да играат и контролираат медиуми на нивниот поврзан уред. За совршено искуство, кога корисниците не сакаат да бидат вознемирени или се подготвуваат за спиење, тие можат автоматски да ги синхронизираат режимите[16] помеѓу Galaxy Fit3 и поврзаниот паметен телефон. Ако паметниот телефон се загуби, корисниците можат лесно да го лоцираат со функцијата Find My Phone на Galaxy Fit3 и обратно.[17]

Достапност[18]

Galaxy Fit3 ќе биде достапен од 23 февруари во три бои - сива, сребрена и розово златна, по препорачана малопродажна цена од 4,499 МКД[19].

За Samsung Electronics

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, лиените и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com

[1]Достапноста може да варира во зависност од пазарот, моделот и поврзаниот паметен телефон. Сите функционалности, карактеристики, спецификации и други информации за производот дадени во овој документ, вклучувајќи, но не ограничувајќи се на, придобивките, дизајнот, цените, компонентите, перформансите, достапноста и можностите на производот се предмет на промена без најава. Galaxy Fit3 мора да биде поврзан со паметен телефон со Android 10.0 или понова верзија и да има минимум 1,5 GB меморија. За да започнете со користење на Galaxy Fit3, мора да имате сметка на Samsung регистрирана на поврзаниот паметен телефон

[2] Споредено со Galaxy Fit2. Големината на екранот се мери дијагонално како полн правоаголник без да се земат предвид заоблените агли.

[3] Траењето на батеријата се заснова на резултатите од внатрешните лабораториски тестови спроведени од Samsung по сценарија на типична шема на користење, при што Galaxy Fit3 е поврзан со паметен телефон Galaxy преку Bluetooth врска, вклучувајќи 52 известувања, 4 минути проверка на пораки, 9 минути проверка на времето и 30 минути вежбање во текот на 24 часа. Тоа е симулирана вредност на вкупната потрошувачка на батеријата мерена со анализа на шемите на нормалнокористење и енергијата потребна за секоја функција со времетраењето на секоја функција. Тестирано со резултатите од верзијата пред лансирање на уредот. Вистинското времетраење на батеријата може да зависи од статусот на Bluetooth врската, конфигурацијата, поставките, јачината на сигналот, присуството на бучава, употребата и состојбата на уредот и многу други фактори.

[4] Достапноста на понудените прилагодени поставки на часовникот може да варира во зависност од пазарот или моделот на уредот.

[5] Достапноста на ремчињата може да варира во зависност од пазарот. Ремчињата за часовници се продаваат одделно, освен оние во пакетот.

[6] Само за општа благосостојба и фитнес. Не е наменет за употреба при откривање, дијагноза, третман, следење или контрола на каква било медицинска состојба или болест. Здравствените информации достапни преку уредот и/или апликацијата не треба да се сметаат за медицински совет. Корисниците треба да побараат медицински совет од лекар. Одредени карактеристики може да зависат од пазарот, операторот или поврзаниот уред.

[7] Функциите за спиење се користат исклучиво за општа благосостојба и фитнес. Мерењата се наменети само за ваш личен увид. Консултирајте се со медицинско лице за совет. Потребна е апликацијата Samsung Health верзија 6.26 или понова. Достапните функции за спиење може да зависат од пазарот, операторот, поврзаниот уред и верзијата на апликацијата Samsung Health.

[8] Откривањето на 'рчењето бара користење на микрофонот на поврзаниот паметен телефон Galaxy преку Bluetooth врска. За да функционира функцијата, поврзаниот паметен телефон треба да биде во непосредна близина на корисникот.

[9] Достапноста на функцијата за ниво на кислород во крвта може да варира во зависност од пазарот.

[10] Потребни се податоци за спиење од најмалку 7 дена, вклучително и 2 слободни дена.

[11] Достапноста на функциите може да варира во зависност од пазарот, операторот и поврзаниот уред.

[12] Galaxy Fit3 е водоотпорен на длабочина од 50 метри во траење од 10 минути според 5ATM рејтингот. Не е погодна за нуркање или водени активности под висок притисок. Ако уредот или вашите раце се влажни, мора целосно да ги исушите пред употреба. Galaxy Fit3 обезбедува заштита (IP68) од навлегување прашина и свежа вода до максимум 1,5 метри во траење од 30 минути. Не се препорачува за употреба на плажа или базен. Отпорноста на уредот на вода и прашина не е константна и може да се намалува со текот на времето поради редовна употреба. Отпорноста на прашина била тестирана во лабораториски услови од трета страна: 2 kg прав (макс. дијаметар 0,05 mm) на кубен метар бил издуван во комората за тестирање со уредот (воздушниот притисок во уредот бил помал од притисокот во околината) за времетраење од 2 часа. Оценка IP6X. Отпорноста на прашина може да зависи од реалните услови на употреба.

[13] Функциите на пулсот се со единствена цел за општа благосостојба и фитнес. Не се наменети за употреба при откривање, дијагноза, третман, следење или контрола на каква било медицинска состојба или болест. Здравствените информации достапни преку уредот и апликацијата не треба да се сметаат за медицински совет. Корисниците треба да побараат медицински совет од лекар.

[14] Достапноста на функциите може да варира во зависност од пазарот. Функциите Fall Detection и Emergency Call мора да бидат вклучени на апликацијата Galaxy Wearable на паметниот телефон Galaxy за да се користат на Galaxy Fit3. Известувањето на контактот во вонредни ситуации бара мрежна врска. На точноста на GPS може да влијаат пречките кон сателитскиот сигнал, како што се зградите. Достапноста на функциите може да варира во зависност од пазарот, верзијата на софтверот и околината.

[15] Camera Remote е достапен на Galaxy Fit3 само кога е поврзан со паметните телефони Galaxy со One UI 6.0 или понова верзија и бара Photoрежим на инсталираната апликација Galaxy Camera на паметните телефони Galaxy.

[16] Ограничено за режимите Sleep Mode и Do Not Disturb. Достапноста може да зависи од поврзаниот паметен телефон.

[17] Уредите мора да бидат во опсегот на Bluetooth врската за да може да се користи функцијата Find My Phone. Растојанието може да зависи од околината и уредот. Достапноста на функцијата може да зависи од пазарот или од поврзаниот паметен телефон.

[18] Достапноста може да зависи од пазарот или операторот. Достапните бои и ремчиња може да се разликуваат во зависност од пазарот или операторот.

[19] Samsung Electronics Austria GmbH не ги контролира ниту влијае на продажните цени на своите продажни партнери. Продажните партнери на Samsung донесуваат сопствени, индивидуални и независни одлуки за цените.

[20] Измерено без тежина на ремчето. Наведената тежина се однесува само на куќиштето.

[21] Galaxy Fit3 е водоотпорен на длабочина од 50 метри во траење од 10 минути според 5ATM рејтингот. Не е погоден за нуркање или водени активности под висок притисок. Ако уредот или вашите раце се влажни, мора целосно да ги исушите пред употреба. Galaxy Fit3 обезбедува заштита (IP68) од навлегување прашина и свежа вода до максимум 1,5 метри во траење од 30 минути. Не се препорачува за употреба на плажа или базен. Отпорноста на уредот на вода и прашина не е константна и може да се намалува со текот на времето поради редовна употреба. Отпорноста на прашина била тестирана во лабораториски услови од трета страна: 2 kg прав (макс. дијаметар 0,05 mm) на кубен метар бил издуван во комората за тестирање со уредот (воздушниот притисок во уредот бил помал од притисокот во околината) за времетраење од 2 часа. Оценка IP6X. Отпорноста на прашина може да зависи од реалните услови на употреба.

ПР објава