Се огласи Тозовац од болница: Оптимист сум и верувам во Господ, но Балашевиќ како да „повлече нога“

Пејачот Предраг Живковиќ Тозовац се огласи од болница, каде вчера беше примен поради коронавирус и воспаление на белите дробови.

Тозовац од КБЦ „Драгиша Мишовиќ“, каде прима кислород, порача дека не се чувствува најдобро, но дека ги слуша сите совети на докторот.

„Точно е дека завршив во болница поради пневмонија и корона, но многумина се борат со овој проблем. Веќе не е вест дека некој има корона, туку дека ја нема. Мојата состојба не е добра, како може да биде? Лекарите ми рекоа дека одморот е најважниот фактор за моето закрепнување. Исто така ми дадоа антибиотици и слушам се што ќе ми кажат“ - истакна Тозовац во изјава за „Ало!“ и додаде дека се надева дека наскоро ќе биде може да замине од болницата:

„Не се надевам, туку веќе цупкам во место и го чекам моментот кога лекарите ќе ми кажат дека можам да одам. Јас сум оптимист и верувам во Господ, моето време за да го напуштам овој свет сè уште не е дојдено“. 

Тозовац додаде дека бил многу потресен од смртта на неговиот колега Ѓорѓе Балашевиќ, кој починал од корона.

„Многу ми е жал за него, но како Балашевиќ да ја повлече ногата... Се надевам дека ќе го победам ова зло што ја нападна Србија што е можно побрзо, а не паметам дека нешто слично ни се случило“.