Се продава станот во кој живееле Џони Деп и Амбер Херд: Ѕирнете во пентхаусот

Пентхаусот во Лос Анџелес, каде Џони Деп и Амбер Херд живееле во поголемиот дел од краткотрајниот брак, се продава за 1,765 милиони долари.

И покрај сите непријатни ситуации кои бившата двојка ги презентираше во јавноста за време на судскиот спор, за трговците со недвижности, немаше подобро време да се појави нивното поранешно љубовно гнездо на пазарот.

Иако парот бил во брак само 15 месеци, зградата во Лос Анџелес била нивниот дом и, според агентот за недвижности, пентхаусот со една спална соба бил место каде што поминувале добар дел од своето време.

Деп поседувал пет стана на врвот на легендарната зграда на Источна Колумбија во центарот на Лос Анџелес, но по разводот на Херд, во 2016 година ги продал сите за 12,78 милиони долари. Сега еден од тие станови повторно се продава.

Според достапните податоци, Деп, кој е роден во Кентаки, а израснат на Флорида, поседува или поседувал остров од 45 хектари на Бахамите, што му паднало во очи кога ги снимал Пиратите од Карибите, збирка скапи куќи во Холивуд кои тој планирал да ги поврзе со низа тунели, фарма за коњи во Кентаки што ја купил за својата мајка, село во близина на Сен Тропе и пет пентхауси во Лос Анџелес.

Пентхаусот што се продава се наоѓа во една од најпознатите историски згради во Лос Анџелес, со површина од 160 метри квадратни, со високи тавани и удобна дневна соба.

Покрај елитната локација, сопствениците на оваа зграда имаат пристап и до објекти кои вклучуваат базен со солена вода на покривот, фитнес студио, спа центар, палуба за сончање, Зен градина и 24-часовна услуга од седум дена во неделата.