Се запознале случајно, станале најдобри пријателки: По 8 години дознале дека се сестри
Џулија Тинети и Касандра Медисон се запознаа во 2013 година, на работа, наскоро станаа пријателки, а многу луѓе ја коментираа нивната сличност и исто потекло.
35-годишната Џулија Тинети и 37-годишната Касандра Медисон се запознаа во 2013 година додека работеа во бар во Њу Хејвен, Конектикат.
- Џулија го забележа доминиканското знаме на мојата рака и искоментира дека е посвоена од таму. Веднаш и реков дека и јас од таму сум посвоена. Наскоро станавме пријателки, започнавме да носиме слична облека и дури им кажувавме на сите дека сме сестри - рече Касандра, пишува The Sun.
На овој начин тие се зближија и станаа најдобри пријатели, но со години не сфаќаа дека тие всушност се навистина сестри.
Многумина коментираа дека тие навистина се многу слични и во еден момент самите почнаа да се прашуваат дали навистина се слични. Но, нивните документи за посвојување воопшто не се совпаѓаа. Местото на раѓање, презиме, па дури и името на мајката биле различни.
По тестирањето, нивните сомневања беа потврдени и девојките дознаа дека навистина се сестри.
Нивните родители имале заедно девет деца - три момчиња и шест девојчиња, но тие биле принудени да се откажат од Касандра и Џулија затоа што не можеле да си дозволат да издржуваат големо семејство.
извор:24sata.hr
