Северина итрица: Најде начин како да се фотографира со најмилото

“Miles Morales & Catwoman ви посакуваат здрава, среќна и мирна година, полна со прегратки. П.С. Драг Дедо Мраз и PS5”, напиша хрватската дива Северина на фотографијата која ја сподели на Инстаграм со својот син.

Инаку, позира со момче облечено во костум на Спајдермен. Имајќи предвид дека Општинскиот граѓански суд во Загреб донел привремено решение со кое на Северина и се забранува да објавува фотографии со нејзиниот малолетен син на социјалните мрежи, на овој начин Севе успеала да објави фотографија на која позира со нејзиниот осумгодишен син без да го покаже неговото лице.