Шминката и филтрите ги остави настрана: Кајли Џенер покажа како навистина изгледа нејзиното лице

Фотографиите секогаш ѝ се уредени до совршенство, но овој пат го покажа своето вистинско лице...

Сите добро знаеме дека познаатите и кога кажуваат дека немаат ништо на лицето, сепак имаат нешто. Ако тоа не е шминка, тогаш е филтер кој им ја прави кожата мазна и совршена. Затоа секогаш ни е драго кога некој, кој го следат многу луѓе, ќе објави и фотографија без шминка и филтри и на своите следбеници ќе им ја покаже реалноста.

Многу познати личности, од Ријана до Џенифер Лопез, во изминатите години на своите обожаватели им ја покажаа и онаа не многу гламурозна верзија од себе - без шминка, фризура, филтери...! Иако секогаш ги гледаме совршено средени и си мислиме дека изгледаат така или барем слично на тоа, на овој начин тие ни покажуваат дека сепак се само „обични луѓе“ кои имаат проблеми со кожата и чија кожа не е секогаш совршена. Сега на оваа група познати дмаи им се придружи и Кајли Џенер. Таа објави стори на кое направи мала реклама за својот бренд „Kylie Skin“, но она што е важно е дека го покажа своето лице без шминка и без филтри и фотошоп.

Иако папараците веќе ја имаа уловено во опуштено издание и тие фотографии го заобиколија свеотт, сега Кајли од блиску ја покажа својата кожа на лицето. Секако, нема мозолчиња на повидок, но може да се види дека има пеги, помали усни и не толку рамномерен тен, но и понатаму кожата ѝ е во одлична состојба. Ова веројатно е случај кога сте милијардер и кога можете да си дозволите сè што е најдобро.

Но, сепак, јасно е дека тука изгледа поинаку отколку на фотографиите кои обично ги објавува. Иако е реклама за „Kylie Skin“, некако сме уверени дека до вакво лице не дошла со користење на своите производи за нега, бидејќи многу луѓе досега потврдија дека не се толку добри.