Спасиле куче кое висело од тераса: Причината поради која бегало е претажна

Станарите на една зграда во рускиот град Тутаев сосема случајно забележале куче кое виси заглавено на терасата и веднаш му помогнале.

Се испоставило дека станува збор за женка, Рада, која се обидувала да побегне од својот насилен сопственик и лошите услови во кои живеела.

Додека ја спасувале, станарите не биле потполно свесни за нејзината лоша состојба, а кога конечно ја извлекле на сигурно, ги шокирал нејзиниот изглед.

Била прегладнета и запуштена, па веднаш ја однеле на ветеринар, кој утврдил дека Рада боледува од анемија, што најверојатно била предизвикана од долги период на гладување.

Рада на крајот сепак го пронашла својот среќен крај - ја вдомило ново семејство кое ѝ ја дава целата потребна љубов и внимание.