Студентка заспала со главоболка: Кога мајка ѝ сакала да ја разбуди, наишла на сцена од најлошиот кошмар

Мајката проговори за своето страдање откако нејзината 21-годишна ќерка легнала да спие со главоболка, не сфаќајќи дека се здобила со смртоносна форма на менингитис.

Џесика Кејн се вратила дома од фестивалот на кој била со пријателите и претпоставила дека не се чувствува добро затоа што премногу се забавувала.

Студентка на универзитетот Дерби заспала рано вечерта, но никогаш не се разбуди, оставајќи ја уништена мајка ѝ Шејла Ровел (49), која го пронајде нејзиното тело следниот ден.

Џесика, која инаку била здрава, страдала од менингококна менингитис и септикемија, на 14 октомври покажала само благи симптоми.

- За болеста дознавме дури по обдукцијата. Пред тоа, немавме идеја што се случило. Сè поминува низ вашиот ум. Се прашувавме дали крвари во мозокот или има срцев удар. Бевме шокирани кога дознавме дека станува збор за менингитис. Никој ништо не можеше да стори за да ја спаси. Таа прими вакцина против менингитис пред да замине на универзитет, но тоа не помогна. Никој од нас не може да поверува дека ја нема. Сите сме апсолутно уништени - рече нејзината мајка.

Ровел станала да оди на работа и решила да ја разбуди својата ќерка пред да замине.

Но, кога влегла во нејзината спална соба, открила дека нејзината ќерка не реагирала и лежела со лицето надолу. Ровел повикала Итна помош, но не било можно да се спаси.

Раните симптоми на менингитис и септикемија може да вклучуваат треска, главоболка, повраќање, болки во мускулите и студени раце и нозе.

Симптомите можат да се влошат многу брзо, а во некои случаи тие умираат за неколку часа.

Фото: Фејсбук