СЗО И ГЕРМАНИЈА СО СТРАВИЧНИ ВЕСТИ: Се однесуваат на вакцината против мајмунски сипаници-ова е важно!
Мајмунската сипаница првенствено се шири со контакт кожа на кожа, директен контакт со телесни течности или лезии, а може да се пренесе и со респираторни капки.
Светската здравствена организација откри дека има голем број нови случаи на мајмунска сипаница по прелиминарните извештаи за ефикасноста на вакцината, пренесува „Јаху“.
Д-р Розамунд Луис, техничка водач на СЗО за мајмунски сипаници, зборуваше за извештаи за епидемии на мајмунски сипаници кај луѓе кои ја примиле вакцината по изложување на вирусот.
– Од самиот почеток знаевме дека вакцината нема да биде „сребрен куршум“ и дека нема да ги исполни сите очекувања што ги имавме и дека нема да имаме издржани податоци за нејзината ефикасност – рече таа.
- Вакцината не е 100 проценти ефикасна во ниту една ситуација, така што и во овој момент не можеме да очекуваме 100 проценти ефективност врз основа на досегашните информации - додаде таа.
Мајмунските сипаници може да се спречи со вакцината против сипаници „Jynneos“, која исто така може да биде ефикасна откако некое лице ќе се зарази, според Центрите за контрола и превенција на болести.
Здравствените власти велат дека податоците за ефективноста на вакцините не се изненадувачки бидејќи една студија во 1980-тите покажала дека вакцините можат да обезбедат околу 85 проценти заштита од мајмунски сипаници.
Лекарите велат дека поединците можат да се заштитат од вирусот со избегнување контакт кожа на кожа со луѓе кои имаат осип што личи на мајмунска сипаница, со избегнување контакт со предмети и материјали што ги користел лицето со мајмунска сипаница и со често миење раце.
Од петокот, според Центрите за контрола и превенција на болести, има 41.358 потврдени случаи на мајмунска сипаница во 94 земји. Соединетите Американски Држави, со 14.115 случаи, имаат повеќе инфекции со овој вирус од која било друга земја во светот.
Oд друга страна, Германија соопшти дека ќе дистрибуира уште 19 500 дози вакцина против мајмунски сипаници со цел болеста да се спречи со сите расположливи средства.