Тешко им е: Маркус и Мартинус изгубија уште 100.000 следбеници
Иако коронавирусот ја погоди целата музичка индустрија, мал е бројот на изведувачи кои го почувствуваа ова како Маркус и Мартинус. Веќе се пишуваше за тоа дека изгубиле голема сума на пари во претходните 12 месеци, но поважно од тоа е што ги губат и следбениците. Момците со години стоеја на бројка од 1,5 милиони следбеници, а таа најпрво падна на 1,4, а сега и на 1,3 милиони.
Загубата на толку многу луѓе е знак за аларм, и нема шанси тие и нивниот тим да не го сфаќаат тоа. Сигурно веќе ги знаете причините зошто се случува ова - освен повременото објавување на синглови, нов албум и турнеја немаат со години. Како резултат на тоа, старата публика се распаѓа, а нови обожаватели не доаѓаат, бидејќи речиси и да ги нема во медиумите.