(ВИДЕО) Брачен пар наместо свадбени подароци побара училишен прибор за сиромашни деца!

Младиот брачен пар од Флорида побара од гостите кои ќе дојдат на нивната венчавка наместо подароци да купат училишен прибор за децата од сиромашни семејства во нивното окружување.

Како што пренесува Fox news, Мет и Кели Камерон од Тампa заедно донеле одлука за својот хуманитарен гест.

„Знаевме дека на нас не ни се потребни многу работи кои луѓето би ни ги купиле. Се што ни треба можеме и самите да си дозволиме. Почнавме да размислуваме за алтернативни опции и најмногу ни се допадна идејата за купување на училишен прибор за деца кои се во тешка материјална ситуација“ - рече Кели.

На секој гостин на венчавката му предложиле наместо подарок, да донесе ранец полн со училишен прибор. Тоа и се случило, а целиот прибор, младенците го донирале во основното училиште „Booker T. Washington“ во Тампa.