Видео кое покажува како не треба да се однесува еден возрасен човек: Несовесен посетител ги малтретира животните во ЗОО

Ново вознемирувачко видео од Зоолошката градина во Скопје кружи на социјалните мрежи...

Имено, непознат посетител во видеото ги малтретира магарињата во ЗОО, а истото на својот Фејсбук профил го сподели Тина Мицковска, заменик-директорката на Зоолошката градина.

„Уште еден што сака да влезе во категоријата Простак на годината, а богами ова е веќе и зоофилија. Ваквите снимки треба да не едуцираат како НЕ ТРЕБА да се однесува еден возрасен човек... Ваквите однесувања може да ги сопреме само ако јавно вака ги направиме „славни“ - стоеше во описот на видеото кое го сподели заменик-директорката Мицковска.

Во коментарите под видеото се отвори долга расправа, каде што многумина го осудија ваквото однеусвање, а воедно беше предложено и да почнат да се казнуваат посетителите кои не ги почитуваат правилата на ЗОО.