Војната на социјалните мрежи започна: Жесток конфликт помеѓу обожавателите на Цеца и Карлеуша поради „Ѕвездите на Гранд“

Денеска во регионот одекна веста дека Светлана Цеца Ражнатовиќ ќе ја замени својата ривалка Јелена Карлеуша во жирито на популарното музичко натпреварување „Ѕвездите на Гранд“.

Големата новина ја соопштија од оваа продукциска куќа, наведувајќи дека со Јелена останале во добри односи, како и дека веруваат дека брилијантната музичка кариера на Цеца, искуството и знаењето кои ги има ќе им бидат ветар во грб на учесниците во ова музичко натпреварување.

На социјалните мрежи веќе започна војната помеѓу обожавателите на Јелена и Цеца. Додека едните се воодушевени што својата милечка Цеца ќе ја гледаат во најпознатото натпреварување, другите пак тагуваат бидејќи Карлеуша ќе го напушти.

„Ма, нека има замена. Барем повеќе нема да слушаме како го критикува народот и младите девојки“, „Хахаха, а што не ги споите нив две? Зарем едната да ја исклучи другата?“, „Без Јеца, тоа не е тоа. Со должна почит, но нејзината енергија и позитивна лудост не може никој да ги замени. Цеца е прекрасна и врвен пејач, но не е за вакво шоу“ - се само некои од коментарите.