Врање- центар на вакцинација за Македонците: Досега таму се вакцинирале 10.390 македонски граѓани

Уште откако Србија стана лиде за вкцинација во регионот, стотици македонци екојдневно одат кај нашиот северен сосед да примат вакцина. Најчесто, тоа се најблиските градови поле границата, па прв е Врање, а после тоа Ниш.

Во Врање досега со првата доза вакцинирани се 10.390 македонски граѓани, додека со втората доза вакцинирани се 4.179 наши државјани, јави дописникот на МИА од Белград.

Според податоците на сајтот на Здравствениот центар во Врање, до 2 јули годинава вкупниот број на дадени прва и втора доза на сите достапни вакцини изнесува 68.548.

Од нив бројот на вакцинирани граѓани на Република Србија со првата доза е 27.291, бројот на вакцинирани граѓани на Република Северна Македонија со првата доза е 10.390, додека бројот на вакцинирани граѓани на Република Босна и Херцеговина е пет граѓани.

Бројот на вакцинирани граѓани на Република Србија со втора доза е 26.678, бројот на граѓани на Република Северна Македонија кои се вакцинирале со втората доза изнесува 4.179 и пет државјани на Република Босна и Херцеговина.

Најголем број македонски граѓани во Врање се вакцинирале со кинеската вакцина Синофарм, додека помал број ја добиле вакцината на Фајзе