Заминала на естетска операција, а по неа добила рогови: Не е сигурна дека ова може да се поправи

Една девојка многу се кае откако платила за естетска операција поради која изгледа како да има рогови.

Џеси Кар изјави дека сакала операција за затегнување и подигнување на очите за да го добие посакуваниот изглед. Операцијата вклучува хируршко поставување на биоразградливи конци за подигнување на очите, но за Џеси работите тргнале наопаку и добила изглед кој не ѝ се допаднал, пренесува „Mirro“.

„Најмногу ми е жал што се одлучив за оваа операција. Дефинитивно не вреди, не функционираше и останав со рогови! На почетокот многу, многу интензивно отекуваа. Ми го повредија крвниот сад за време на зафатот и отекував неколку недели. Кога отокот стивна, забележав дека веѓите ми се подигнаа“ - објасни таа во видеото кое го сподели на ТикТок.

На крајот Џеси кажа дека отокот се намалил, но и дека сега мора да ги тргне конците и да побара попуст.

„Парите делумно ми ги вратија, а потоа неколку недели подоцна забележав дека имам испакнатини на главата и дека никнуваат конци. Се вратив на уште еден преглед. Сега поминувам низ процедурата која се вика „Ultraformer“, треба да се стопат конците, а пијам и антиинфламаторни таблети за да се обидам да го ублажам воспалението“ - откри таа.

@_jessiecarr I can’t take myself seriously  #foxeye #foxeyethreads #foxeyethreadlift #botched #botchedsurgery original sound - Slowed Songs

„Не ми ветија дека ќе се стопи конецот, но тоа е нешто што може да помогне да се раствори. Тоа е постепен процес, па се надевам дека ќе направи разлика. После две сесии се надевам дека ќе се стопат, но не сум 100 проценти сигурна дека ќе успее. Поминав низ многу и дефинитивно не вреди“ - заклучи на крајот.

Нејзиното видео за кратко време стана вирално на социјалните мрежи, а многу корисници се обидоа да ја утешат преку коментарите кои ѝ ги оставаа под видеото: „Прифати ги своите рогови, изгледај кул“, „Буквално имаш платено за роговите, тоа е вистина кул“.