Александра од Струмица: #МиНедостасуваат со пријателите муабетите длабоки

Александра Атанасова е средношколка од Струмица. Оваа 18 - годишна девојка учи во гимназијата „Јане Сандаски“ и е трета година. Таа го прифати предизвикот на Хаштаг и се одлучи во стихови и преку ликовна творба да ни покаже што е она што и недостасува во деновите на социјална изолација.

Ми недостасува

Има нешто

ко грутка на срце

што ми тежи вешто.

Има едно место

кое сакам да го посетувам често.

Море, планини високи

и со пријателите муабети длабоки.

Има нешто што ми недостига, нешто поразлично

но сега ќе седам дома, така е побезбедно.

А еден ден, ќе помине сé, знам

и градот нема да биде тажен и сам.

Смеа ќе ечи, сонцето силно ќе сјае

Убаво ни е, секој тоа ќе го знае.

Личности со големи вредности ќе сме,

и поубаво ќе биде тогаш сé.

A сега сите да сме силни треба

да ја смириме во светот сета злоба.

Може да ве интересира:

Ива Стојческа: #МиНедостасува животниот начин стар