Благодарение на оваа година многу работи почнав да ги гледам на поинаков начин: Новогодишно интервју со Давор Ардиќ

Новата година заедно со новите предизвици веќе ни чука на врата. Оваа што за неколку дена ќе остане зад нас на сите ни зададе еден огромен удар, но и ни дозволиме да ги спознаеме вистинските вредности.

За тоа како му помина 2020, но и што си посакува во следната, разговаравме со Давор Арџик, момчето кое на сите ви е добро познато од ТикТок. Скромен, искрен, но и реален, овој ТикТокер ни откри по што ќе ја памети оваа година:

„Па да бидам искрен, оваа година за мене беше една прекрасна година, полна со предизвици и нови авантури во мојот живот и покрај пандемијата. Во оваа година навистина загубив доста работи коишто ми значеа, но исто така и добив многу работи коишто ги сакав. Запознав  многу нови пријатели и стекнав многу нови искуства. Сметам дека годинава ме промени доста во однос на мојот карактер и започнав доста работи да ги гледам на поинаков начин. “

Плановите за новогодишната прослава вели дека му се поврзани со најблиските.

„Новата година сакам да ја дочекам во кругот на најблиските и не знам зошто, но  годинава чувствувам некоја посебна еуфорија кога се работи за празниците.“

Пред да ни открие што си посакува во Новата година, ни откри и на какви подароци се радува.

„Кога сме кај подароците, ништо не може да ме израдува толку колку новогодишно пакетче. Да бидам реален и кога бев мал, а и сега, можам да кажам дека исто се радувам кога ќе видам новогодишно пакетче под елката.“ 

Кога се новогодишните желби во прашање, за Давор во следната година здравјето е најважно, па така си посака добро здравје за себе и семејството.

„Па искрено, во новата 2021 година, на прво место сакам јас и моето семејство да бидеме здрави и живи, потоа сите деца и луѓе коишто се болни да оздрават и да се врати насмевката на нивните лица, а јас бидејќи сум здрав, мислам дека секоја желба ми е остварена.“

Како за крај, Давор имаше да ви посака нешто и на сите вас.

„Во Новата година сакам на сите да им посакам многу здравје, среќа, љубов и секако многу дружби, повеќе насмевка и ведар дух. Сите колку што можат повеќе да се придржуваат до мерките, за во оваа година конечно да заврши ова зло и повторно да бидеме слободни и неограничени.“

И.М.

Може да ве интересира:

Рачно изработените подароци посебно ми значат: Новогодишно интервју со Александар Динев