Еден од најомилените јутјубери по последното видео изгуби над половина милион следбеници

Еден од најомилените јутјубери по последното видео изгуби над половина милион следбеници

Објавена во: Stars // YouTube ѕвезди

Дури и видеото „собра“ многу дислајкови...

Шејн Доусон е еден од оние јутјубери кој сите го сакаат, бидејќи едноставно немаат причина да не го сакаат. Барем ситуацијата беше ваква до сега. Откако го објави последното видео, работите се променија.

Од теориите на завера, до забавните и смешни видеа кои ги снима со своето семејство и блиски пријатели, Шејн секогаш ги забавува своите следбеници со содржините кои ги објавува на Јутјуб. За тоа колку нетрпеливо се очекуваат неговите видеа и колку ги сакаат луѓето, говорат и бројките кои и ги има, а тоа е скоро 23 милиони. Кога го објави своето последно видео, работите драстично се променија. Пред неколку дена објави видео под назив „Taking Accountability“ во кое зборуваше за лошото однесување од својата младост. Од исмејувањето на различните раси до невкусните сексуални коментари за деца, Шејн во ова видео ја допре секоја тема и одлучи да раскаже, а воедно и да преземе одговорност.


Звучи како добра идеја, но откако видеото ја здогледа светлината на денот, одеднаш започнаа да се повторуваат се повеќе и повеќе негови стари видеа во кои не се однесува нималку примерно. Едно од тие видеа беше и она во кое Шејн глуми дека се самозадоволува, гледајќи Дизни постер на кој е Вилоу Смит, кога тогаш имала 11 години. Тоа видео го виде и Џејден Смит, како нивната мајка и јавно искоментираа дека ваквото однесување е одвратно.



По сево ова, Шејн за речиси два дена изгуби околу 700.000 следбеници. Иако на неговата бројка од над 22 милиони тоа не прави некоја голема разлика, сепак ова е голем број за толку кратко време. Во видеото во кое раскажува за својата младост „собра“ неочекувана количина на негативни коментари, како и илјадници дислајкови. Луѓето коментираа дека извинувањето делувало лажно и дека ништо не може да биде изговор за тоа однесување кое во видеото беше споменато, а кое јутјуберот се обиде да го „оправда“.


Објавена во: Stars // YouTube ѕвезди

Можеби ќе ве интересира: