Министерот Вулин за тајната соба на екипата на Беливук: Најискусните оперативци ова никогаш не го виделе, Србија и светот ќе бидат згорезени
Приказна која ќе одекне низ целиот свет
Истрагата спроведена од Министерството за внатрешни работи против групата на Вељко Беливук е незабележана поради различните злосторства извршени од тие лица и бројот на лица кои учествувале во организацијата и извршувањето на тие злосторства, изјави денеска министерот за внатрешни работи, Александар Вулин.
„Во моментот кога ќе добиеме дозвола од надлежното обвинителство, ќе излеземе во јавноста со сè што откривме. Ова веќе не е српска приказна. Ова е приказна што ќе одекне низ целиот свет. Таа е полоша од она што го гледаме во сериите и филмовите за дилери на дрога.“ - рече Вулин.
Според неговите зборови и според арсеналот на оружје што е запленет, може да се види дека не станува збор за оружје што се користи за пресметка на дилери на дрога, туку за пресметка со лица кои имаат обезбедување и возат во блиндирани возила.
„Истрагата ќе покаже за кого се подготвувале, но знам дека списокот со приоритети отсекогаш бил: претседателот Вучиќ, членовите на неговото семејство, а потоа и другите“ - рече Вулин.
Според него, количината на докази што пристигнуваат, изјавите на учесници, сведоци, жртви, почнува да се собираат затоа што луѓето се ослободуваат од стравот.
„Добивме информации за тајната соба од еден член на кланот кој многу добро знаеше што се случува таму. Луѓето биле убиени и искинати на парчиња во таа просторија“ - рече министерот за внатрешни работи.
Вулин додаде дека и Србија и светот ќе бидат згрозени од бројот и суровоста на тие луѓе.
„Никој не може да го замисли тоа. Најискусните оперативци кои работеа на разбивање на Земунскиот клан велат дека никогаш не го виделе ова. Кога судството ќе даде дозвола да се зборува, ќе откриете со какви чудовишта го делевме градот“ - рече Вулин.
Министерот за внатрешни работи додаде дека обвинението против групата на Вељко Беливук ќе биде поднесено во законскиот рок.
фото: Принтскрин