Samsung иновации за нова ера на CES 2022 Consumer Electronics Show саемот

Визијата на Samsung за иднината е да пристапи кон иновациите на нестандарден начин. Прилагодените уреди и персонализираниот простор се поважни денес од кога било досега. Ова важи и за поврзувањето и искуството кое го овозможува современата технологија. Корисничкото искуство е нагласено и технологиите веќе не се само корисни алатки, туку вистинска врска со семејството, пријателите и секојдневното хоби. Иновациите ќе бидат претставени на саемот  CES 2022 Consumer Electronics Show.

„На почетокот на месецот најавивме голема промена во организацијата која има за цел да ја зајакне синергијата помеѓу различните производи и услуги. Врз основа на оваа нова структура, целата наша потрошувачка електроника, од телевизори и апарати за домаќинство до мобилни уреди, е под еден поголем покрив, во согласност со нашата визија да создадеме корисни искуства преку иновации “, објави Џ.Х Хан, потпретседател, извршен директор и директор на Одделение за корисничко искуство на Samsung Electronics.

Тој истакнува дека повторното поврзување со планетата и позитивното влијание се составен дел од планот на компанијата. Како светски лидер во потрошувачката електроника, Samsung има одговорност да ја заштити животната средина и да изгради подобра иднина. Нашето лидерство во иновациите треба да биде во согласност со нашето лидерство во „одржливите иновации“.

Создавање искуства прилагодени на индивидуалните потреби

Културата на иновации на Samsung е вкоренета во поместување и преоѓање на границите. Сега Samsung воведува иновации за нова ера, во која технологиите се флексибилни и прилагодливи за вас. „На CES ќе ги видите нашите најнови иновации и искуства - вклучувајќи производи кои ви даваат слобода да гледате телевизија насекаде и да го претворите секој простор во пејзаж или уметничко дело. Искуството со игри ќе стане уште поедноставно, сеопфатно и полесно. И бидејќи секој има свој уникатен личен вкус и начин на живот, сакаме да ви дозволиме да ги приспособите вашите уреди врз основа на она што е најважно за вас.„Новата, приспособлива иднина на личните технологии пристигна и мило ми е да ви покажам како таа станува реалност во нашите домашни апарати, мобилни уреди и екрани“, посочува Хан.

Создавање совршено поврзување

„Замислуваме свет во кој технологијата е прилагодена на животниот стил и потребите на секој корисник, а еден од начините да се постигне тоа е преку совршено поврзување. На CES, ќе ја претставиме соработката со индустриски експерти и партнери за создавање на навистина подобрено поврзано искуство. „Затоа што веруваме дека безбедниот и отворен екосистем е она што го обезбедува најдоброто искуство за нашите корисници и им нуди слобода да создаваат искуства што најмногу одговараат на нивниот уникатен начин на живот“, открива Хан. Дополнително, Samsung најавува дека ќе претстави ново решение за подобра интеграција на сите паметни домашни уреди.

Нова визија за подобра планета

„Ова е важен момент за нашата планета. Неговата заштита е задача на сите нас. Во Samsung, ги применуваме принципите за одржливост на сè што правиме, од чиповите што ги напојуваат вашите уреди до корисничкото искуство на самите уреди. На CES, ќе зборуваме за тоа како корисно го ажурираме нашиот процес на иновации, така што вие, нашите клиенти, можете да ги направите овие промени во вашиот секојдневен живот. Ќе претставиме и нови начини на работа со партнерите на уникатни решенија во областа на одржливоста“, изјави Хан.

Samsung ги поканува сите заинтересирани компании на 4 јануари во 15:30 часот преку пренос во живо да го гледаат настапот на Samsung по повод саемот CES 2022 на линкот Samsung Newsroom и Samsung.com.

* ПР - објава