Се појавија тврдења дека поранешен сопруг на Бритни Спирс работел зад нејзиниот грб, со татко ѝ кој ја контролираше со години

Поранешната поп сензација Бритни Спирс дефинитивно нема среќа во љубовта бидејќи неодамна потврди дека се разделила со третиот сопруг Сем Асгари.

Двајцата се забавуваа пет години, а на лудиот камен застанаа во јуни минатата година. И иако се чинеше дека Спирс овој пат ја најде среќата, Асгари поднесе барање за развод. Во средината на таа приказна, се појавија нови детали - дека Сем наводно соработувал со таткото на Бритни, под чија контрола таа била повеќе од една деценија.

Сем поднесе барање за развод од Бритни на почетокот на овој месец по само 13 месеци брак, но извор близок до поп-ѕвездата сега тврди дека таа почнала да има сериозни сомневања во врската многу пред тие официјално да се разделат.

Според изворот, Бритни се посомневала дека актерот - со кој почнала да се забавува пет години пред да заврши долгогодишното старателство над неа од страна на нејзиниот татко - работи со Џејми и му дава детали од нејзиниот живот. 

„Бритни има причина да верува дека Сем тајно соработува со нејзиниот татко Џејми уште од раните денови на нивната врска“, изјави извор за Дејли Мејл.

„Сем му даваше на Џејми информации кои ќе ѝ помогнат да остане затворена и во притвор. За возврат, Сем доби пристап до неа и нејзините пари. „Бритни сега се чувствува како Сем да изневерувал цело време“, додаде тој.

Помалку од два месеци откако Сем и Бритни се запознаа на снимањето на спотот за песната „Slumber Party“, тие ја официјализираа својата врска на социјалните мрежи. Во тоа време, животот на Бритни го водел нејзиниот татко, кој имал целосна контрола врз нејзините финансии, кариера и секојдневни активности.

Иако кругот на поп-ѕвездата беше ограничен на нејзините танчери и други вклучени во нејзината кариера, Сем беше добредојден во семејството Спирс и им се придружуваше на одмори и семејни излети. Во годините откако ја запозна Бритни, неговата актерска кариера процвета, а пред нивната романса да излезе во јавност, тој имаше само една улога - во музичкото видео на Fifth Harmony. Сепак, оттогаш тој сними десетина филмови и ТВ емисии, а неговата романса со миленичката на Америка само се исплатеше. 

Немоќта на Бритни да процени кој ѝ посакува добро, а кој не, не треба да изненадува. Таа стана дел од познатиот „Мики Маус клуб“ на само четири години, а околу една деценија подоцна ја започна својата соло кариера. Спирс брзо се лансираше на врвот на музичките топ листи и стана едно од најпознатите имиња во музичката индустрија. Нејзиното име стана бренд - американски производ кој се покажа како профитабилен во целиот свет. И сето тоа ќе беше позитивно за неа, ако имаше кој да се грижи за нејзиното ментално здравје додека успеваше.

Такво нешто не се случи, а згора на се‘, таа „заминала во војна“ со мајка си, сестра ѝ, а кога изгубила секаква контрола над себе, паднала под контрола на нејзиниот татко Џејми, кој повеќе од декада управуваше со нејзините финансии, како и со сите главни животни одлуки.

Пред околу две години нејзините обожаватели забележале дека нешто не е во ред и дека Бритни треба да има контрола над нејзиниот живот. Милиони луѓе ја започнаа кампањата „Ослободете ја Бритни“, а многу нејзини колеги, меѓу кои и Мадона и Мајли Сајрус, испратија своја поддршка.

Џејми се соочи со обвинувања дека ги прекршил човековите права на својата ќерка, како и дека лажно ја прикажувал како ментално болна. Тој ги отфрли тие тврдења, но тогаш не сакаше многу да коментира. Во август 2021 година, по долго судење, Бритни Спирс конечно стана слободна жена.

„Нема сите да се согласат со мене. Беше ужасно тешко време, но ја сакам ќерка ми со целото мое срце и душа. Се прашувам каде ќе беше мојата ќерка денес да не се однесував така. Дали мислите дека таа би била жива без надзор? Знам дека не би била“, изјави Џејми во интервју за The Mail on Sunday. 

Тој додаде дека сето тоа е важно за заштита на неговите внуци, а потоа се осврна на нејзините по малку бизарни објави на социјалните мрежи, во кои таа се врти во круг и танцува пред камера.

„Не сакам да ја турнам низ дупката пред која се наоѓа во моментов“, коментира Џејми.

Не долго откако ја доби слободата од нејзиниот татко, Спирс објави дека ќе се омажи за Сем, иако многумина ја предупредија дека Асгари сака да ја искористи само за да стекне популарност. По веста дека се разведува, Бритни продолжи да објавува чудни содржини на социјалните мрежи, а на една од последните објави покажа како се забавува со група мажи до доцна во ноќта, обидувајќи се да им даде до знаење на сите дека таа не страда од разделбата.

Фото: Youtube - screenshoot