Синот на Балашевиќ со емотивна порака му го честита роденденот на починатиот татко: Животот е онаа црта меѓу оние за нас битни броеви и датуми...

Легендарниот Ѓорѓе Балашевиќ вчера требаше да наполни 68 години.

Нè напушти пред помалку од три месеци, но само физички, бидејќи неговото дело е поголемо и од вечноста.
Токму на денот на неговиот роденден, неговиот син Алекса со емотивни зборови се присети на татка си.

Социјалните мрежи и денес се обоени со стиховите на Џоле, легендарниот кантавтор.

„Како што рече, животот започнува со една свеќа на тортата, а, завршува со една свеќа без торта. Животот е таа линија помеѓу некои броеви и датуми што ни се важни, а вечноста се оние три точки што малку луѓе ги пишуваат ... Меѓу другото, ти ги напиша одамна. Чисто да те потсетам на твојот  роденден“, напиша Алекса покрај фотографијата со неговиот татко на која му подарува подарок. 

Тагата не стивнува. Заедно со неговите песни, книги и шеги, многумина пораснаа, се сакаа, се разделија, веруваа, се надеваа ... Не постои град во поранешна Југославија каде Ѓорѓе Балашевиќ не беше почестен, а во тие денови плоштадите беа полни со плишани играчки, цвеќиња и свеќи. Нови Сад беше најтажен.

Само неговото семејство и тмбурашите го испратија на неговото вечно почивалиште, како што тој сакаше. Подоцна, гробот се премести малку подалеку, во сенка на четинари. Неговото име е врежано на бело мермерно срце, меѓу два датуми каде линијата прави живот, а покрај него се и стиховите: „Без црно, белото не би вредело“.