Тој е жив благодарение на молитвите: Бебенцето на кое му дадоа само еден ден живот го прослави својот прв роденден

Кога Мари Клер Тали го родила својот син Хектор во 23-та недела од бременоста, лекарите рекле дека веројатно има само уште еден ден живот.

На мајка му ѝ рекле да се збогува бидејќи има многу мали шанси да преживее.

Но, Хектор им пркоси на прогнозите, а „чудото бебе“ на Мари сега го прослави својот прв роденден, пишува BBC News.

Не беа лесни 12 месеци, но неговата мајка рече дека тоа е најсреќната година во нејзиниот живот.

Бебето поминало 259 дена од животот во болница

Досега тој помина 259 дена и ноќи од својот живот во болница откако се роди со тешки компликации.

Има хидроцефалус, што значи дека спиналната течност не може да тече низ телото, поради крварење во мозокот. Има и хронично белодробно заболување, ретинопатија, има цевка за хранење и централна ноќна апнеја.

Хектор е роден на 12 ноември 2021 година, кога ограничувањата на „Ковид“ значеа дека тој мораше да биде ставен во изолација додека не биде негативен на тестот за „Ковид“.

На Мари Клер и неговиот татко Ангус не им било дозволено да го посетат синот во првите 40 часа од неговиот живот.

Медицинските сестри им ги испратија на родителите најновите фотографии од нивниот мал син додека се бореше за живот во инкубатор.

„Го видов кога се роди и го бакнав, а потоа го завиткаа за да се загрее и веднаш го однесоа на одделот за интензивна нега“, изјави Мари Клер за шкотскиот Би-Би-Си.

„Почувствував болка што не можев да бидам со него. Ми се скрши срцето што не можевме да бидеме со него во тие клучни рани моменти“.

Мари Клер, извршен директор на добротворната организација, која моментално е на породилно отсуство, рече дека по речиси два дена им биле дозволени кратки посети за да го видат и по пет дена можеле да бидат со него дење и ноќе.

По 42 дена, лекарите го извадиле од респираторот и рекле дека ќе живее.

„Кога слушнав, испуштив лелек што ми излезе од дното на душата, тоа беше најголемото чувство на светот“, изјави таа за BBC Scotland.

Имаше уште долг пат да се помине, но тоа што тимот мислеше дека ќе преживее беше одлично“.

Хектор Тали имал 15 операции и 25 пати бил итно префрлен во собата за итни случаи.

Нему му беше дозволено да си оди дома во април 2022 година - повеќе од пет месеци откако се роди.

Тој сè уште е редовен пациент во Кралската болница за деца и млади, имал 15 операции и 25 пати бил итно пренесен во итната медицинска помош.

Симптоми на хидроцефалус

Оштетувањето на мозокот од хидроцефалус може да предизвика широк спектар на симптоми, вклучувајќи: главоболка, гадење, заматен вид и отежнато одење.

И покрај борбите, Мари Клер рече: „Се чувствувам како најсреќната личност, тој е толку смешен, што носи толку многу радост на толку многу луѓе.
Толку сум горда на него. Тој е чудо, тој е повеќе од чудо и јас сум толку горда на него“.

Околу 4.000 бебиња се раѓаат предвреме во Шкотска секоја година, но само мал процент се раѓаат пред 28 недела.

Медицинскиот напредок значи дека бебињата родени во 22 недела може да се спасат, но статистиката покажува дека само четири од секои 10 родени во 23 недела преживуваат.

Тој е жив благодарение на многуте молитви

„Благодарение на молитвите на сите, тој беше извлечен и се погриживме да го опкружиме со сета љубов, радост и надеж за да се чувствува апсолутно сакан.

Се грижиме секој ден да му биде одличен“, рече таа.

Тие го прославија неговиот прв роденден

Мари Клер и Ангус се фокусирани на секој ден со нивниот син бидејќи не знаат како неговата состојба ќе влијае на неговиот живот во иднина.

Парот сега го прослави неговиот прв роденден.
Мари Клер рече: „Тој е роден во 1.14 часот, така што стоевме покрај неговото креветче точно во тоа време една година подоцна и имавме тивок момент, толку благодарни што е тука“.

„Размислувавме како успеа и како ние сме најсреќните луѓе. Тоа беше најдобрата година во мојот живот“.

извор:novizivot.net