Новак Ѓоковиќ му се приближува на Надал!

Вториот тенисер во светот - Новак Ѓоковиќ во неделата го освои турнирот во Шангај, каде во финалето играше против младиот хрватски тенисер Борна Ќориќ. 

Со победата, Ѓоковиќ доби 1000 поени на АТП листата и го турна Федерер на трето место, а со тоа се приближи уште повеќе до Надал. Разликата меѓу нив во моментов е само 215 поени. 

Српскиот тенисер е решен да ја заврши годината на првото место. Следуваат натпреварите во Париз и Лондон кои Ѓоковиќ се надева дека ќе ги освои. „Ако ја завршам годината како број 1, тоа ќе биде мојот најголем успех годинава.“ - вели тој.